Міжнародны дзень роднай мовы адзначаецца 21 лютага. Роднае слова з’яўляецца адным з самых вялікіх здабыткаў кожнага народа. Яно – люстэрка культуры і форма яе існавання, духоўнае аблічча і сутнасць чалавека.
Гэты святочны дзень у школе пачаўся з прывітанняў на роднай мове, паэтычнымі хвілінкамі. Вучні, настаўнікі мелі магчымасць дакрануцца да прыгажосці нашай мовы, пазнаёміўшыся з матэрыяламі выставы “З любоўю да роднага слова!”.
З вучнямі 5, 7 класаўправедзены інтерактыўныя гульні “Смак беларускай мовы”, “Перакладчык”.
Пад час усяго дня ў школе гучалі вершы пра беларускую мову, расказвалася гісторыя ўзнікнення гэтага свята, адзначаліся самыя цёплыя, самыя смачныя і самыя мудрыя словы.
Завяршылася свята ў гэты дзень інсцэніроўкай часткі апавядання З.Бядулі “На Каляды к сыну”, якая адбылася ў школьным музейным пакоі.
Дзень роднай мовы — гэта нагода яшчэ раз задумацца пра лёс і будучыню той, якую мы завём нацыянальнай і матчынай.